ਰਿਚੀ ਬ੍ਰਦਰਜ਼ ਅਨੁਸਾਰ ਕੈਨੇਡਾ ਦੇ ਯੂਜ਼ਡ ਟਰੱਕ ਟਰੈਕਟਰਜ਼ ਦੀਆਂ ਕੀਮਤਾਂ ਇੱਕ ਸਾਲ ਪਹਿਲਾਂ ਦੇ ਮੁਕਾਬਲੇ 50 ਫੀ ਸਦੀ ਜਿ਼ਆਦਾ ਹਨ।
ਟੁਡੇਜ਼ ਟਰੱਕਿੰਗ ਦੀ ਰਿਪੋਰਟ ਮੁਤਾਬਕ ਉਤਪਾਦਕ ਭਾਵੇਂ ਕੋਈ ਵੀ ਹੋਵੇ ਸਾਲ ਦਰ ਸਾਲ ਵੱਧਦੀਆਂ ਹੋਈਆਂ ਅਮਰੀਕਾ ਵਿੱਚ ਇਨ੍ਹਾਂ ਟਰੱਕਾਂ ਦੀਆਂ ਕੀਮਤਾਂ 58 ਫੀ ਸਦੀ ਤੱਕ ਵੱਧ ਚੁੱਕੀਆਂ ਹਨ।ਨੌਰਥ ਅਮਰੀਕਾ ਵਿੱਚ ਰਿਚੀ ਬ੍ਰਦਰਜ਼ ਦੀ ਅਪਰੈਲ ਦੇ ਮਹੀਨੇ ਮਾਰਕਿਟ ਟਰੈਂਡਜ਼ ਦੀ ਰਿਪੋਰਟ ਵਿੱਚ ਰੂਜ਼ ਸੇਲਜ਼ ਦੇ ਮੈਨੇਜਿੰਗ ਡਾਇਰੈਕਟਰ ਡੱਗ ਰੂਸ਼ ਨੇ ਆਖਿਆ ਕਿ ਸਾਨੂੰ ਸਪਲਾਈ ਵਿੱਚ ਤੰਗੀ ਤੇ ਰੀਟੇਲ ਤੇ ਆਕਸ਼ਨ ਮਾਰਕਿਟਸ ਵਿੱਚ ਇਸ ਦੀ ਤੇ ਇਸ ਦੇ ਸਾਜ਼ੋ ਸਮਾਨ ਦੀ ਬੇਹੱਦ ਜਿ਼ਆਦਾ ਮੰਗ ਵੇਖਣ ਨੂੰ ਮਿਲ ਰਹੀ ਹੈ।
ਉਨ੍ਹਾਂ ਆਖਿਆ ਕਿ ਰੀਟੇਲ ਵੈਲਿਊ ਮਹੀਨੇ ਦਰ ਮਹੀਨੇ ਵਧਣੀ ਜਾਰੀ ਹੈ। ਮਾਰਚ ਦੇ ਮਹੀਨੇ ਹੀ ਇਸ ਵਿੱਚ 2 ਫੀ ਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਪਿਛਲੇ 16 ਮਹੀਨਿਆਂ ਵਿੱਚ ਇਸ ਵਿੱਚ 24 ਫੀ ਸਦੀ ਦਾ ਵਾਧਾ ਰਿਕਾਰਡ ਕੀਤਾ ਗਿਆ। ਪਿਛਲੇ ਮਹੀਨੇ ਆਕਸ਼ਨ ਦੀਆਂ ਕੀਮਤਾਂ ਵੀ 2 ਫੀ ਸਦੀ ਵੱਧ ਸਨ, ਇੱਕਲੇ ਫਰਵਰੀ ਵਿੱਚ ਹੀ 5 ਫੀ ਸਦੀ ਵਾਧਾ ਹੋਇਆ।
ਦੋ ਟਾਈਮਫਰੇਮਜ਼ ਦੀ ਜੇ ਆਪਸ ਵਿੱਚ ਤੁਲਨਾ ਕੀਤੀ ਜਾਵੇ ਤਾਂ ਕੈਨੇਡਾ ਦੇ ਯੂਜ਼ਡ ਵੋਕੇਸ਼ਨਲ ਟਰੱਕਾਂ ਦੀਆਂ ਕੀਮਤਾਂ ਵਿੱਚ 30 ਫੀ ਸਦੀ ਵਾਧਾ ਵੇਖਣ ਨੂੰ ਮਿਲਿਆ। ਇਹ ਵਾਧਾ ਸਿਰਫ ਸੜਕ ਵਾਲੇ ਸਾਜ਼ੋ ਸਮਾਨ ਤੱਕ ਹੀ ਸੀਮਤ ਨਹੀਂ ਹੈ।ਵੱਡੇ ਅਰਥਮੂਵਿੰਗ ਇਕੁਇਪਮੈਂਟ ਦੀਆਂ ਕੀਮਤਾਂ ਵਿੱਚ ਵੀ ਸਰਹੱਦ ਦੇ ਇਸ ਪਾਰ 11 ਫੀ ਸਦੀ ਵਾਧਾ ਹੋਇਆ ਜਦਕਿ ਯੂਜ਼ਡ ਦਰਮਿਆਨੇ ਅਰਥਮੂਵਿੰਗ ਇਕੁਇਪਮੈਂਟ ਦੀਆਂ ਕੀਮਤਾਂ 31 ਫੀ ਸਦੀ ਤੱਕ ਵਧੀਆਂ।
