The Trucking Network is a Canadian “English and Punjabi” bilingual publication, founded in 2012. Dedicated to the hard working professional drivers and their families across North America.
ਟਰਾਂਸਪੋਰਟੇਸ਼ਨ ਸੈਕਟਰ ਦੇ ਵਰਕਰਜ਼ ਤੇ ਇੰਡਸਟਰੀ ਗਰੁੱਪਜ਼ ਨੇ ਵੈਕਸੀਨੇਸ਼ਨ ਲਾਜ਼ਮੀ ਕਰਨ ਦੀ ਫੈਡਰਲ ਸਰਕਾਰ ਦੀ ਸ਼ਰਤ ਉੱਤੇ ਸਵਾਲ ਉਠਾਉਣੇ ਸ਼ੁਰੂ ਕਰ ਦਿੱਤੇ ਹਨ। ਇਹ ਖੁਲਾਸਾ ਬਲੂਮਬਰਗ ਦੀ ਰਿਪੋਰਟ ਵਿੱਚ ਕੀਤਾ ਗਿਆ। ਦ ਅਮੈਰੀਕਨ ਟਰੱਕਿੰਗ ਐਸੋਸਿਏਸ਼ਨ (ਏ ਟੀ ਏ) ਵੱਲੋਂ ਇਸ...
ਐਕਟ ਰਿਸਰਚ ਅਨੁਸਾਰ ਅਮਰੀਕਾ ਤੇ ਕੈਨੇਡਾ ਵਿੱਚ ਨੌਰਥ ਅਮੈਰੀਕਨ ਨੈਚੂਰਲ ਗੈਸ ਟਰੱਕਾਂ ਦੀ ਵਿੱਕਰੀ ਵਿੱਚ 11 ਫੀ ਸਦੀ ਦਾ ਵਾਧਾ ਹੋਇਆ ਹੈ।
ਐਕਟ ਰਿਸਰਚ ਦੇ ਵਾਈਸ ਪ੍ਰੈਜ਼ੀਡੈਂਟ ਸਟੀਵ ਟੈਮ ਨੇ ਦੱਸਿਆ ਕਿ ਛੇ ਮੁੱਖ ਟਰੱਕ ਓਈਐਮਜ਼, ਜਿਨ੍ਹਾਂ ਦਾ ਹੈਵੀ ਡਿਊਟੀ ਨੈਚੂਰਲ ਗੈਸ ਮਾਰਕਿਟ ਉੱਤੇ ਅੰਦਾਜ਼ਨ 60 ਫੀ ਸਦੀ ਦਬਦਬਾ ਹੈ, ਵੱਲੋਂ ਦਿੱਤੀ ਗਈ ਰਿਪੋਰਟ ਅਨੁਸਾਰ ਨੈਚੂਰਲ ਗੈਸ ਨਾਲ ਚੱਲਣ ਵਾਲੀਆਂ ਗੱਡੀਆਂ ਦੀ ਵਿੱਕਰੀ ਮਾਰਚ ਤੋਂ ਮਈ ਮਹੀਨੇ ਦੇ ਅਰਸੇ ਦੌਰਾਨ ਰਲਵੀਂ ਮਿਲਵੀਂ ਰਹੀ। ਉਨ੍ਹਾਂ ਮੁਤਾਬਕ ਸਾਲ ਦਰ ਸਾਲ ਦੇ ਹਿਸਾਬ ਨਾਲ ਮਾਰਚ ਵਿੱਚ ਇਨ੍ਹਾਂ ਵਾਹਨਾਂ ਦੀ ਵਿੱਕਰੀ ਵਿੱਚ 3 ਫੀ ਸਦੀ ਗਿਰਾਵਟ ਰਹੀ, ਇਸ ਸਾਲ ਅਪਰੈਲ ਵਿੱਚ ਪਿਛਲੇ ਸਾਲ ਅਪਰੈਲ ਮਹੀਨੇ ਦੇ ਮੁਕਾਬਲੇ ਵਿੱਕਰੀ 23 ਫੀ ਸਦੀ ਵੱਧ ਰਹੀ ਤੇ ਇੱਕ ਸਾਲ ਪਹਿਲਾਂ ਨਾਲੋਂ ਮਈ ਦੇ ਮਹੀਨੇ ਕੋਈ ਫਰਕ ਨਹੀਂ ਪਿਆ।
ਫਰਵਰੀ ਤੋਂ ਮਾਰਚ ਤੱਕ ਇਹ ਵਿੱਕਰੀ ਦੁੱਗਣੀ (+96 ਫੀ ਸਦੀ ) ਹੋਣ ਤੋਂ ਬਾਅਦ ਅਪਰੈਲ ਤੇ ਮਈ ਮਹੀਨੇ ਇਨ੍ਹਾਂ ਗੱਡੀਆਂ ਦੀ ਵਿੱਕਰੀ ਕ੍ਰਮਵਾਰ ਮਨਫੀ 16 ਫੀ ਸਦੀ ਤੇ ਮਨਫੀ ਇੱਕ ਫੀ ਸਦੀ ਰਹੀ। ਤਿੰਨ ਮਹੀਨਿਆਂ ਦੇ ਅਰਸੇ ਵਿੱਚ ਜੇ ਵੇਖਿਆ ਜਾਵੇ ਤਾਂ ਇਨ੍ਹਾਂ ਗੱਡੀਆਂ ਦੀ ਸਾਂਝੀ ਵਿੱਕਰੀ ਵਿੱਚ ਗਿਰਾਵਟ ਦਰਜ ਕੀਤੀ ਗਈ ਜਦਕਿ ਸਾਲ ਦੇ ਪਹਿਲੇ ਪੰਜ ਮਹੀਨਿਆਂ ਵਿੱਚ 2021 ਦੇ ਮੁਕਾਬਲੇ 11 ਫੀ ਸਦੀ ਵਾਧਾ ਦਰਜ ਕੀਤਾ ਗਿਆ।
ਟੈਮ ਨੇ ਆਖਿਆ ਕਿ ਹੋ ਸਕਦਾ ਹੈ ਕਿ ਇਸ ਦੇ ਬਦਲ ਵਜੋਂ ਇਲੈਕਟ੍ਰਿਕ ਗੱਡੀਆਂ ਦੀ ਮਾਰਕਿਟ ਵਧੇਰੇ ਮਕਬੂਲੀਅਤ ਹਾਸਲ ਕਰ ਰਹੀ ਹੋਵੇ। ਸਾਨੂੰ ਇਲੈਕਟ੍ਰਿਕ ਚਾਰਜਿੰਗ ਸਟੇਸ਼ਨਜ਼ ਵਿੱਚ ਵਾਧਾ ਆਮ ਵੇਖਣ ਨੂੰ ਮਿਲ ਰਿਹਾ ਹੈ।ਇਨ੍ਹਾਂ ਵਿੱਚ ਉਹ ਇਲੈਕਟ੍ਰਿਕ ਚਾਰਜਿੰਗ ਸਟੇਸ਼ਨ ਸ਼ਾਮਲ ਹਨ ਜਿਹੜੇ ਮੌਜੂਦਾ ਹਨ ਤੇ ਜਿਹੜੇ ਭਵਿੱਖ ਵਿੱਚ ਲਾਏ ਜਾਣੇ ਹਨ। ਅਜੇ ਵੀ ਅਸੀਂ ਟਰਾਂਸਪੋਰਟੇਸ਼ਨ ਵਿੱਚ ਨੈਚੂਰਲ ਗੈਸ ਦੀ ਵਰਤੋਂ ਬਾਰੇ ਆਰਟੀਕਲਜ਼ ਪੜ੍ਹ ਸਕਦੇ ਹਾਂ ਤੇ ਇਸ ਦੇ ਨਾਲ ਹੀ ਹਾਈਡਰੋਜਨ ਫਿਊਲ ਸੈੱਲਜ਼ ਤੇ ਨਿਵੇਸ਼ ਬਾਰੇ ਵਿਚਾਰ ਵਟਾਂਦਰੇ ਬਾਰੇ ਵੀ ਸੁਣ ਸਕਦੇ ਹਾਂ। ਪਰ ਟਰੇਡ ਇੰਡਸਟਰੀ ਨਾਲ ਜੁੜੀਆਂ ਬਹੁਤੀਆਂ ਖਬਰਾਂ ਇਲੈਕਟ੍ਰਿਕ ਕਮਰਸ਼ੀਅਲ ਵ੍ਹੀਕਲ ਡਿਵੈਲਪਮੈਂਟ ਉੱਤੇ ਕੇਂਦਰਿਤ ਹਨ।
ਪਿਛਲੇ ਸਾਲ ਸਮੁੱਚੇ ਅਮਰੀਕਾ ਦੇ ਮੁਕਾਬਲੇ ਕੈਨੇਡਾ ਵਿੱਚ ਕਾਰਗੋ ਚੋਰੀਆਂ ਕਿਤੇ ਜਿ਼ਆਦਾ ਹੋਈਆਂ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਸ ਮਾਮਲੇ ਵਿੱਚ ਪੀਲ ਰੀਜਨ ਕੈਲੇਫੋਰਨੀਆ ਤੋਂ ਬਾਅਦ ਚੋਰਾਂ ਦਾ ਦੂਜਾ ਪਸੰਦੀਦਾ ਇਲਾਕਾ ਰਿਹਾ। ਕਾਰਗੋ ਥੈਫਟ ਤੇ ਆਈਐਸਬੀ ਗਲੋਬਲ ਸਰਵਿਸਿਜ਼ ਨਾਲ ਸਪੈਸਿ਼ਐਲਿਟੀ ਰਿਸਕ ਦੇ...
ਫੈਡਰਲ ਸਰਕਾਰ ਵੱਲੋਂ ਨਵਾਂ ਕੋਵਿਡ ਐਲਰਟ ਐਪ ਜਾਰੀ ਕੀਤਾ ਗਿਆ ਹੈ| ਇਸ ਨਾਲ ਸਰਕਾਰ ਦੀਆਂ ਕਾਂਟੈਕਟ ਟਰੇਸਿੰਗ ਸਬੰਧੀ ਕੋਸ਼ਿਸ਼ਾਂ ਨੂੰ ਬੂਰ ਪਵੇਗਾ ਤੇ ਭਵਿੱਖ ਵਿਚ ਮਹਾਂਮਾਰੀ ਦੌਰਾਨ ਆਊਟਬ੍ਰੇਕ ਤੇ ਵਾਇਰਸ ਦੇ ਪਸਾਰ ਨੂੰ ਸੀਮਤ ਕਰਨ ਵਿੱਚ ਮਦਦ ਮਿਲੇਗੀ| ਇਹ ਐਪ...
ਕੈਨੇਡੀਅਨ ਟਰੱਕਿੰਗ ਅਲਾਇੰਸ, ਕਮਰਸ਼ੀਅਲ ਰਾਈਟਰਜ਼ ਤੇ ਬ੍ਰੋਕਰਜ਼ ਨਾਲ ਸਲਾਹ ਮਸ਼ਵਰੇ ਤੋਂ ਬਾਅਦ ਫੈਸਿਲਿਟੀ ਐਸੋਸਿਏਸ਼ਨ (ਐਫਏ) ਵੱਲੋਂ ਟਰੱਕਿੰਗ ਇੰਡਸਟਰੀ ਨਾਲ ਸਬੰਧਤ ਇੰਸ਼ੋਰੈਂਸ ਪ੍ਰੈਕਟਿਸਿਜ਼ ਵਿੱਚ ਪਾਈ ਜਾ ਰਹੀ ਗੜਬੜੀ ਨੂੰ ਠੱਲ੍ਹ ਪਾਉਣ ਲਈ ਨਵੇਂ ਮਾਪਦੰਡ ਐਲਾਨੇ ਗਏ।
ਐਫਏ ਵੱਲੋਂ ਨਵੀਆਂ ਰੇਟਿੰਗ ਮੈਟਰਿਕਸ ਇਸ ਇਰਾਦੇ ਨਾਲ ਐਲਾਨੀਆਂ ਗਈਆਂ ਤਾਂ ਕਿ ਕੈਰੀਅਰਜ਼ ਨੂੰ ਮਾਰਕਿਟ ਰੇਟਜ਼ ਤੋਂ ਬਚਣ ਲਈ ਕਮਰਸ਼ੀਅਲ ਗੱਡੀਆਂ ਨੂੰ ਗਲਤ ਢੰਗ ਨਾਲ ਰਜਿਸਟਰ ਕਰਵਾਉਣ ਤੋਂ ਰੋਕਿਆ ਜਾ ਸਕੇ। ਐਫਏ ਦਾ ਕਹਿਣਾ ਹੈ ਕਿ 2019 ਤੋਂ ਹੀ ਅਜਿਹੇ ਟਰੱਕ ਮਾਲਕਾਂ/ਆਪਰੇਟਰਾਂ ਦੀ ਗਿਣਤੀ ਵਿੱਚ ਕਾਫੀ ਵਾਧਾ ਹੋਇਆ ਹੈ ਜਿਹੜੇ ਗੱਡੀਆਂ ਨੂੰ ਇੱਕ ਪ੍ਰੋਵਿੰਸ ਵਿੱਚ ਰਜਿਸਟਰ ਕਰਵਾਉਂਦੇ ਹਨ ਤੇ ਘੱਟ ਪ੍ਰੀਮੀਅਮ ਦੇਣ ਲਈ ਕਿਸੇ ਹੋਰ ਪ੍ਰੋਵਿੰਸ ਵਿੱਚ ਆਪਰੇਟ ਕਰਦੇ ਹਨ।ਇਹ ਨਵੇਂ ਮੈਟਰਿਕਸ ਐਫਏ ਨੂੰ ਅਜਿਹੇ ਅਧਿਕਾਰ ਦਿੰਦੇ ਹਨ ਜਿਸ ਨਾਲ ਉਹ ਉਸ ਜਿਊਰਿਸਡਿਕਸ਼ਨ ਦੇ ਹਿਸਾਬ ਨਾਲ ਇਸ ਤਰ੍ਹਾਂ ਦੇ ਕੈਰੀਅਰਜ਼ ਕੋਲੋਂ ਰਕਮ ਵਸੂਲ ਸਕਣ ਤੇ ਜਾਂ ਫਿਰ ਵੱਧ ਰਕਮ ਦੇਣ ਵਾਲੇ ਕੈਰੀਅਰਜ਼ ਨੂੰ ਰਿਆਇਤ ਦੇ ਸਕਣ।
ਐਫਏ ਨੂੰ ਕਈ ਪ੍ਰੋਵਿੰਸਾਂ ਦੀ ਮਨਜ਼ੂਰੀ ਮਿਲੀ ਹੈ ਤਾਂ ਕਿ ਉਹ ਨਵੇਂ ਮੈਟਰਿਕਸ ਲਾਗੂ ਕਰ ਸਕਣ ਤੇ ਉਨ੍ਹਾਂ ਨੂੰ ਪੂਰੀ ਆਸ ਹੈ ਕਿ ਰੇਟਿੰਗ ਮੈਟਰਿਕਸ ਨੂੰ ਉਨ੍ਹਾਂ ਸਾਰੀਆਂ ਜਿਊਰਿਸਡਿਕਸ਼ਨਜ਼ ਵਿੱਚ ਮਨਜ਼ੂਰੀ ਮਿਲ ਜਾਵੇਗੀ ਜਿਨ੍ਹਾਂ ਵਿੱਚ ਉਹ ਆਪਰੇਟ ਕਰਦੇ ਹਨ।
ਅੰਡਰ-ਰਾਈਟਿੰਗ, ਕਲੇਮਜ਼ ਐਂਡ ਆਪਰੇਸ਼ਨਜ਼ ਦੀ ਵਾਈਸ ਪ੍ਰੈਜ਼ੀਡੈਂਟ ਫਾਡੀਆ ਚਾਰਬਾਈਨ ਨੇ ਆਖਿਆ ਕਿ ਪਿਛਲੇ ਦੋ ਕੁ ਸਾਲਾਂ ਵਿੱਚ ਓਨਟਾਰੀਓ ਤੋਂ ਅਲਬਰਟਾ ਤੇ ਐਟਲਾਂਟਿਕ ਪ੍ਰੋਵਿੰਸਾਂ ਵਿੱਚ ਇੰਟਰ-ਅਰਬਨ ਟਰੱਕਾਂ ਦੇ ਇੱਕਠ ਵਿੱਚ ਤਬਦੀਲੀ ਵੇਖਣ ਨੂੰ ਮਿਲੀ ਹੈ। ਇਹ ਜ਼ਾਹਿਰ ਹੋ ਚੁੱਕਿਆ ਹੈ ਕਿ ਕੁੱਝ ਆਪਰੇਟਰਜ਼ ਲੋਕਲ ਆਪਰੇਟਰਜ਼ ਦੀ ਕੀਮਤ ਉੱਤੇ ਸਿਸਟਮ ਦਾ ਫਾਇਦਾ ਚੁੱਕ ਰਹੇ ਹਨ ਤੇ ਸਾਨੂੰ ਇਸ ਮੁੱਦੇ ਨੂੰ ਹੱਲ ਕਰਨ ਦੀ ਲੋੜ ਹੈ।
ਇਸ ਤਰ੍ਹਾਂ ਦੇ ਵਿਵਹਾਰ ਦਾ ਇਮਾਨਦਾਰ, ਮਿਹਨਤੀ ਟਰੱਕ ਡਰਾਈਵਰਾਂ, ਜਿਹੜੇ ਆਪਣੀ ਰਜਿਸਟ੍ਰੇਸ਼ਨ ਵਾਲੀ ਜਿਊਰਿਸਡਿਕਸ਼ਨ ਵਿੱਚ ਹੀ ਆਪਰੇਟ ਕਰਦੇ ਹਨ ਤੇ ਨਿਯਮਾਂ ਦੇ ਹਿਸਾਬ ਨਾਲ ਚੱਲਦੇ ਹਨ, ਉੱਤੇ ਕਾਫੀ ਨਕਾਰਾਤਮਕ ਅਸਰ ਪੈਂਦਾ ਹੈ। ਕੁੱਝ ਮਾੜੇ ਖਿਡਾਰੀਆਂ ਦੀਆਂ ਅਜਿਹੀਆਂ ਹਰਕਤਾਂ ਦਾ ਖਮਿਆਜਾ ਉਨ੍ਹਾਂ ਨੂੰ ਵੀ ਭੁਗਤਣਾ ਪੈ ਰਿਹਾ ਹੈ। ਇਸੇ ਲਈ ਅਸੀਂ ਰੇਟਿੰਗ ਮੈਟਰਿਕਸ ਲੈ ਕੇ ਆ ਰਹੇ ਹਾਂ।
ਇਹ ਇਸ ਤਰ੍ਹਾਂ ਕੰਮ ਕਰਦਾ ਹੈ :
ਸਾਰੇ ਆਪਰੇਟਰਾਂ ਨੂੰ ਵੱਖ ਵੱਖ ਰਿਪੋਰਟਾਂ ਰਾਹੀਂ ਜਾਣਕਾਰੀ ਮੁਹੱਈਆ ਕਰਵਾਉਣੀ ਹੋਵੇਗੀ ਜਿਵੇਂ ਕਿ ਇੰਟਰਨੈਸ਼ਨਲ ਫਿਊਲ ਟੈਕਸ ਅਗਰੀਮੈਂਟ (ਆਈਐਫਟੀਏ), ਜਿਸ ਨੂੰ ਨਵੇਂ ਬਿਜ਼ਨਸ ਤੇ ਮੁੜ ਨੰਵਿਆਉਣ ਲਈ, ਜਮ੍ਹਾਂ ਕਰਵਾਉਣਾ ਹੋਵੇਗਾ ਤੇ ਇਹ ਰਿਪੋਰਟਾਂ ਦੱਸਣਗੀਆਂ ਕਿ ਗੱਡੀ ਕਿੱਥੇ ਆਪਰੇਟ ਹੋ ਰਹੀ ਹੈ।ਪਹਿਲੀ ਅਕਤੂਬਰ, 2022 ਤੋਂ ਲਾਗੂ ਹੋਣ ਜਾ ਰਹੇ ਇਸ ਨਿਯਮ ਤਹਿਤ ਇਹ ਯਕੀਨੀ ਬਣਾਇਆ ਜਾਵੇਗਾ ਕਿ ਗੱਡੀ ਉੱਥੇ ਆਪਰੇਟ ਹੋ ਰਹੀ ਹੋਵੇ ਜਿੱਥੇ ਉਹ ਰਜਿਸਟਰਡ ਹੈ, ਪਾਲਿਸੀ ਉੱਤੇ ਸਰਚਾਰਜ ਲਾਇਆ ਜਾਵੇਗਾ ਤਾਂ ਕਿ ਉਸ ਜਿਊਰਿਸਡਿਕਸ਼ਨ ਨੂੰ ਪੈਣ ਵਾਲੇ ਘਾਟੇ ਲਈ ਪ੍ਰੀਮੀਅਮ ਵਸੂਲਿਆ ਜਾ ਸਕੇ।ਇਹ ਸਰਚਾਰਜ 15 ਫੀ ਸਦੀ ਤੋਂ 420 ਫੀ ਸਦੀ ਦਰਮਿਆਨ ਹੋਵੇਗਾ, ਇਹ ਜਿਊਰਿਸਡਿਕਸ਼ਨ ਉੱਤੇ ਨਿਰਭਰ ਕਰੇਗਾ ਤੇ ਤੀਜੀ ਧਿਰ ਦੀ ਦੇਣਦਾਰੀ ਉੱਤੇ ਲਾਗੂ ਹੋਵੇਗਾ। ਇਸ ਤੋਂ ਉਲਟ ਜੇ ਗੱਡੀ ਰਜਿਸਟ੍ਰੇਸ਼ਨ ਵਾਲੀ ਜਿਊਰਿਸਡਿਕਸ਼ਨ ਤੋਂ ਘੱਟ ਫਾਇਦੇਮੰਦ ਜਿਊਰਿਸਡਿਕਸ਼ਨ ਵਿੱਚ ਆਪਰੇਟ ਕਰ ਰਹੀ ਹੈ ਤਾਂ ਥਰਡ-ਪਾਰਟੀ ਦੇਣਦਾਰੀ ਉੱਤੇ ਛੋਟ ਮਿਲੇਗੀ।
ਚਾਰਬਾਈਨ ਨੇ ਆਖਿਆ ਕਿ ਜੇ ਗੱਡੀ ਇੱਕ ਪ੍ਰੋਵਿੰਸ ਵਿੱਚ ਰਜਿਸਟਰ ਹੈ ਪਰ ਆਪਰੇਟ ਕਿਸੇ ਹੋਰ ਪ੍ਰੋਵਿੰਸ ਵਿੱਚ ਕਰ ਰਹੀ ਹੈ ਤੇ ਉੱਥੇ ਕਲੇਮ ਹੋ ਜਾਂਦਾ ਹੈ ਤਾਂ ਨਿਯਮਾਂ ਮੁਤਾਬਕ ਜਿੱਥੇ ਕਲੇਮ ਕੀਤਾ ਜਾਵੇਗਾ ਉਸ ਨੂੰ ਤਰਜੀਹ ਦਿੱਤੀ ਜਾਵੇਗੀ। ਨਤੀਜੇ ਵਜੋਂ ਜਿੱਥੇ ਟਰੱਕ ਰਜਿਸਟਰਡ ਹੈ ਉੱਥੇ ਸਾਰੇ ਟਰੱਕਾਂ ਨੂੰ ਪੈਣ ਵਾਲੇ ਘਾਟੇ ਨੂੰ ਹੋਰ ਘਟਾ ਦਿੰਦਾ ਹੈ ਤੇ ਜਿਸ ਕਾਰਨ ਉਸ ਜਿਊਰਿਸਡਿਕਸ਼ਨ ਵਿੱਚ ਪ੍ਰੀਮੀਅਮ ਵੱਧ ਜਾਂਦੇ ਹਨ।
ਐਫਏ ਨੇ ਕੈਨੇਡੀਅਨ ਟਰੱਕਿੰਗ ਅਲਾਇੰਸ, ਕਮਰਸ਼ੀਅਲ ਰਾਈਟਰਜ਼ ਤੇ ਬ੍ਰੋਕਰਜ਼ ਨਾਲ ਰਲ ਕੇ ਕੰਮ ਕਰਨਾ ਸੁ਼ਰੂ ਕੀਤਾ ਹੈ ਤਾਂ ਕਿ ਅਜਿਹੇ ਰੁਝਾਨ ਨੂੰ ਰੋਕਣ ਲਈ ਮਾਪਦੰਡਾਂ ਤੇ ਨਿਯਮਾਂ ਨੂੰ ਲਿਆਂਦਾ ਜਾ ਸਕੇ। ਇਸ ਦੇ ਨਾਲ ਹੀ ਐਫਏ ਵੱਲੋਂ ਇਸ ਤਰ੍ਹਾਂ ਦੇ ਬਿਜ਼ਨਸ ਸਬੰਧੀ ਹੰਢਾਏ ਜਾ ਰਹੇ ਤਜਰਬੇ ਨੂੰ ਵੀ ਠੱਲ੍ਹ ਪਾਈ ਜਾ ਸਕੇ। 2021 ਵਿੱਚ ਐਫਏ ਨੇ ਕਮਰਸ਼ੀਅਲ ਵ੍ਹੀਕਲਜ਼ ਲਈ ਵਾਧੂ ਦਸਤਾਵੇਜ਼ਾਂ ਵਾਸਤੇ ਨਵੇਂ ਨਿਯਮ ਪੇਸ਼ ਕੀਤੇ ਜਿਨ੍ਹਾਂ ਵਿੱਚ ਫਿਊਲ ਟੈਕਸ ਰਿਪੋਰਟਸ, ਨੈਸ਼ਨਲ ਸੇਫਟੀ ਕੋਡ (ਐਨਐਸਸੀ) ਪੋ੍ਰਫਾਈਲ ਇਨਫਰਮੇਸ਼ਨ ਤੇ ਯੂਐਸ ਫੈਡਰਲ ਮੋਟਰ ਕਰੀਅਰ ਸੇਫਟੀ ਐਡਮਨਿਸਟ੍ਰੇਸ਼ਨ (ਐਫਐਮਸੀਐਸਏ) ਰਿਪੋਰਟ ਆਦਿ।
ਇਹ ਅਜਿਹੀਆਂ ਕੁੱਝ ਪੇਸ਼ਕਦਮੀਆਂ ਸਨ ਜਿਹੜੀਆਂ ਐਫਏ ਵੱਲੋਂ ਸ਼ੁਰੂ ਕੀਤੀਆਂ ਗਈਆਂ ਤਾਂ ਕਿ ਇਹ ਪਤਾ ਲਾਇਆ ਜਾ ਸਕੇ ਕਿ ਟਰੱਕਿੰਗ ਰਿਸਕ ਮੁੱਖ ਤੌਰ ਉੱਤੇ ਕਿੱਥੇ ਆਪਰੇਟ ਕਰ ਰਿਹਾ ਹੈ। ਅਜਿਹਾ ਪ੍ਰੋਵਿੰਸ ਤੋਂ ਬਾਹਰ ਤੇ ਯੂਐਸ ਐਕਸਪੋਜ਼ਰ ਸਬੰਧੀ ਹੋ ਰਹੀ ਘੱਟ ਰਿਪੋਰਟਿੰਗ ਨੂੰ ਘਟਾਉਣ ਲਈ ਜ਼ਰੂਰੀ ਹੈ।
ਟਰੱਕ ਪਾਰਕਿੰਗ ਤੇ ਲੇਬਰ ਦੀ ਘਾਟ ਵਰਗੇ ਮੁੱਦੇ ਹੋਣਗੇ ਏਟੀਆਰਆਈ ਦੀ ਰਿਸਰਚ ਸਬੰਧੀ ਤਰਜੀਹਾਂ
ਅਮੈਰੀਕਨ ਟਰਾਂਸਪੋਰਟੇਸ਼ਨ ਰਿਸਰਚ ਇੰਸਟੀਚਿਊਟ(ਏਟੀਆਰਆਈ) ਬੋਰਡ ਆਫ ਡਾਇਰੈਕਟਰਜ਼ ਵੱਲੋਂ 2023 ਵਿੱਚ ਉੱਘੀਆਂ ਰਿਸਰਚ ਤਰਜੀਹਾਂ ਨੂੰ ਮਨਜ਼ੂਰੀ ਦਿੱਤੀ ਗਈ।2023 ਲਈ ਏਟੀਆਰਆਈ ਦੀਆਂ ਰਿਸਰਚ ਸਬੰਧੀ ਤਰਜੀਹਾਂ ਹੇਠ ਲਿਖੇ ਅਨੁਸਾਰ ਹਨ : ਜਨਤਕ ਆਰਾਮ ਵਾਲੀਆਂ ਥਾਂਵਾਂ ਉੱਤੇ ਟਰੱਕ ਪਾਰਕਿੰਗ ਦਾ ਪਸਾਰ : ਡਰਾਈਵਰਾਂ ਲਈ ਸੱਭ ਤੋਂ ਵੱਡਾ ਚਿੰਤਾ ਦਾ ਵਿਸ਼ਾ ਟਰੱਕ ਪਾਰਕਿੰਗ ਦੀ ਘਾਟ ਹੈ ਇਸ ਰਿਸਰਚ ਨਾਲ ਟਰੱਕ ਡਰਾਈਵਰਾਂ ਦੇ ਆਰਾਮ ਕਰਨ ਦੀ ਥਾਂ ਦੀ ਪਛਾਣ ਕੀਤੀ ਜਾਵੇਗੀ ਤੇ ਉਸ ਦਾ ਪਤਾ ਲਾਉਣ ਦੇ ਹਿਸਾਬ ਨਾਲ ਰੂਪ ਰੇਖਾ ਨੂੰ ਉਲੀਕਿਆ ਜਾਵੇਗਾ, ਬਿਹਤਰ ਕੇਸ ਸਟੱਡੀਜ਼ ਵਿਕਸਤ ਕੀਤੀਆਂ ਜਾਣਗੀਆਂ ਤੇ ਪਬਲਿਕ ਰੈਸਟ ਏਰੀਆਜ਼ ਵਿੱਚ ਉਪਲਬਧ ਟਰੱਕ ਪਾਰਕਿੰਗ ਦੀ ਸਮਰੱਥਾ ਦਾ ਪਸਾਰ ਕਰਨ ਲਈ ਮੌਜੂਦ ਟਰੱਕ ਡਰਾਈਵਰਾਂ ਦੇ ਡਾਟਾ ਦੀ ਪਛਾਣ ਕਰਕੇ ਰਣਨੀਤੀ ਉਲੀਕੀ ਜਾਵੇਗੀ। ਮਹਿਲਾ ਟਰੱਕ ਡਰਾਈਵਰਾਂ ਦੇ ਦਾਖਲੇ ਦੇ ਰਾਹ ਵਿੱਚ ਆਉਣ ਵਾਲੇ ਅੜਿੱਕਿਆਂ ਦੀ ਪਛਾਣ ਕਰਨਾ : ਟਰੱਕ ਡਰਾਈਵਰ ਵਰਕਫੋਰਸ ਦਾ ਸਿਰਫ 10 ਫੀ ਸਦੀ ਤੋਂ ਵੀ ਘੱਟ ਆਬਾਦੀ ਮਹਿਲਾ ਟਰੱਕ ਡਰਾਈਵਰਾਂ ਦੀ ਹੈ ਅਜੇ ਵੀ ਏਟੀਆਰਆਈ ਰਿਸਰਚ ਦੇ ਦਸਤਾਵੇਜ਼ਾਂ ਅਨੁਸਾਰ ਮਹਿਲਾ ਡਰਾਈਵਰ ਆਪਣੇ ਨਾਲ ਦੇ ਪੁਰਸ਼ ਡਰਾਈਵਰਾਂ ਨਾਲੋਂ ਵਧੇਰੇ ਸੁਰੱਖਿਅਤ ਹਨ। ਇਸ ਰਿਸਰਚ ਨਾਲ ਲਿੰਗਕ ਮੁੱਦਿਆਂ ਦੀ ਪਛਾਣ ਹੋਵੇਗੀ ਤੇ ਇੰਡਸਟਰੀ ਮਹਿਲਾ ਟਰੱਕ ਡਰਾਈਵਰਾਂ ਨੂੰ ਆਕਰਸਿ਼ਤ ਕਰਨ ਲਈ ਤੇ ਟਰੱਕ ਡਰਾਈਵਿੰਗ ਨੂੰ ਕਰੀਅਰ ਵਜੋਂ ਚੁਣਨ ਲਈ ਹੋਰ ਕਦਮ ਚੁੱਕ ਸਕਦੀ ਹੈ। ਮਾਲ ਅਸਬਾਬ ਦੀ ਢੋਆ ਢੁਆਈ ਉੱਤੇ ਪੈਣ ਕੰਪਲੀਟ ਸਟਰੀਟ ਦਾ ਪੈਣ ਵਾਲਾ ਪ੍ਰਭਾਵ : ਕੰਪਲੀਟ ਸਟਰੀਟਸ ਅਮਰੀਕਾ ਵਿੱਚ ਡੌਟ ਪ੍ਰੋਗਰਾਮ ਹੈ ਜਿਸ ਨੂੰ ਸਾਰੇ ਯੂਜ਼ਰਜ਼, ਜਿਨ੍ਹਾਂ ਵਿੱਚ ਪੈਡੈਸਟਰੀਅਨ, ਬਾਈਸਾਈਕਲ ਚਲਾਉਣ ਵਾਲੇ ਤੇ ਟਰਾਂਜਿ਼ਟ ਰਾਈਡਰਜ਼, ਲਈ ਟਰਾਂਸਪੋਰਟੇਸ਼ਨ ਪਹੁੰਚ ਵਿੱਚ ਲਿਆਉਣ ਵਾਸਤੇ ਡਿਜ਼ਾਈਨ ਕੀਤਾ ਗਿਆ ਹੈ ਕੰਪਲੀਟ ਸਟਰੀਟਸ ਨੂੰ ਤਾਇਨਾਤ ਕਰਨ ਦੇ ਲਏ ਜਾਣ ਵਾਲੇ ਫੈਸਲਿਆਂ ਨਾਲ ਅਕਸਰ ਫਰੇਟ ਟਰਾਂਸਪੋਰਟੇਸ਼ਨ ਉੱਤੇ ਨਕਾਰਾਤਮਕ ਅਸਰ ਪੈਂਦਾ ਹੈ ਤੇ ਉਨ੍ਹਾਂ ਉੱਤੇ ਵੀ ਇਸ ਦਾ ਨਕਾਰਾਤਮਕ ਅਸਰ ਪੈਂਦਾ ਹੈ ਜਿਹੜੇ ਵਸਤਾਂ ਦੀ ਡਲਿਵਰੀ ਕਰਨ ਵਾਲੇ ਟਰੱਕਾਂ ਉੱਤੇ ਨਿਰਭਰ ਕਰਦਾ ਹੈ ਇਹ ਅਧਿਐਨ ਇਨ੍ਹਾਂ ਪ੍ਰਭਾਵਾਂ ਨੂੰ ਪ੍ਰਮਾਣਿਤ ਕਰੇਗਾ ਤੇ ਫਰੇਟ ਮੂਵਮੈਂਟ ਨੂੰ ਬਿਹਤਰ ਢੰਗ ਨਾਲ ਚਲਾਉਣ ਲਈ ਟਰਾਂਸਪੋਰਟੇਸ਼ਨ ਪਲੈਨਰਜ਼ ਲਈ ਸਿਫਾਰਸ਼ਾਂ ਕਰੇਗਾ। ਡੀਜ਼ਲ ਟੈਕਨੀਸ਼ੀਅਨ ਘਾਟ ਦੀ ਜਾਂਚ : ਤਕਨੀਸ਼ਨਾਂ ਨੂੰ ਰਕਰੂਟ ਕਰਨ ਤੇ ਇੰਡਸਟਰੀ ਨਾਲ ਜੋੜੀ ਰੱਖਣ ਨੂੰ ਡਰਾਈਵਰਾਂ ਦੀ ਘਾਟ ਵਾਂਗ ਹੀ ਸੰਵੇਦਨਸ਼ੀਲ ਤੇ ਨਾਜ਼ੁਕ ਮਸਲਾ ਮੰਨਿਆਂ ਜਾ ਰਿਹਾ ਹੈ ਤੇ ਇਹ ਇੰਡਸਟਰੀ ਲਈ ਵੱਡੀ ਚੁਣੌਤੀ ਹੈ ਇਹ ਰਿਸਰਚ ਸਰਕਾਰ ਤੇ ਇੰਡਸਟਰੀ ਦੀ ਕਿਸੇ ਤਰਾਂ ਦੀ ਘਾਟ ਦੀ ਪਛਾਣ ਕਰਨ, ਵਰਕਫੋਰਸ ਦੀਆਂ ਲੋੜਾਂ ਅਨੁਸਾਰ ਕਰੀਅਰ ਦੀਆਂ ਵਿਸ਼ੇਸ਼ਤਾਈਆਂ ਦਾ ਪਤਾ ਲਾਉਣ ਦੀ ਕੋਸਿ਼ਸ਼ ਕੀਤੀ ਜਾਵੇਗੀ ਤੇ ਇਸ ਦੇ ਨਾਲ ਹੀ ਹਾਈ ਸਕੂਲ ਪੱਧਰ ਉੱਤੇ ਵੋਕੇਸ਼ਨਲ ਟਰੇਨਿੰਗ ਦੀ ਉਪਲਬਧਤਾ ਦਾ ਪਤਾ ਵੀ ਲਾਇਆ ਜਾਵੇਗਾ, ਇਸ ਤੋਂ ਇਲਾਵਾ ਇੰਡਸਟਰੀ ਦੇ ਰਕਰੂਟਮੈਂਟ ਰੁਝਾਨਾਂ ਤੇ ਕਰੀਅਰ ਨਾਲ ਜੁੜੇ ਮੌਕਿਆਂ ਦਾ ਵੀ ਪਤਾ ਲਾਇਆ ਜਾਵੇਗਾ। ਡਰਾਈਵਰ ਦੀ ਡਿਟੈਂਸ਼ਨ ਦੀ ਕੀਮਤ : ਟਰੱਕ ਡਰਾਈਵਰਾਂ ਤੇ ਮੋਟਰ ਕੈਰੀਅਰਜ਼ ਵੱਲੋਂ ਕਸਟਮਰ ਫੈਸਿਲਿਟੀਜ਼ ਉੱਤੇ ਡਰਾਈਵਰ ਡਿਟੈਂਸ਼ਨ ਨੂੰ ਲਗਾਤਾਰ ਇੰਡਸਟਰੀ ਲਈ ਵੱਡੀ ਚਿੰਤਾ ਰੈਂਕ ਕੀਤਾ ਜਾ ਰਿਹਾ ਹੈ ਸਿੱਪਰ ਗਰੁੱਪਜ਼ ਵੱਲੋਂ ਸਮਰਥਨ ਪ੍ਰਾਪਤ ਰਿਸਰਚ ਵਿੱਚ ਡਿਟੈਂਸ਼ਨ ਦੇ ਪ੍ਰਭਾਵ, ਲਾਗਤ ਤੇ ਡਿਟੈਂਸ਼ਨ ਨੂੰ ਘੱਟ ਤੋਂ ਘੱਟ ਕਰਨ ਲਈ ਰਣਨੀਤੀ ਦੀ ਸ਼ਨਾਖ਼ਤ ਵਾਸਤੇ ਕੁਆਂਟੀਟੇਟਿਵ ਡਾਟਾ ਇੱਕਠਾ ਕੀਤਾ ਜਾਵੇਗਾ।
ਅਮੈਰੀਕਨ ਟਰਾਂਸਪੋਰਟੇਸ਼ਨ ਰਿਸਰਚ ਇੰਸਟੀਚਿਊਟ (ਏਟੀਆਰਆਈ) ਵੱਲੋਂ ਤਿਆਰ ਕਰਵਾਈ ਗਈ ਰਿਪੋਰਟ ਅਨੈਲੇਸਿਸ ਆਫ ਦ ਆਪਰੇਸ਼ਨਲ ਕੌਸਟਸ ਆਫ ਟਰੱਕਿੰਗ ਅਨੁਸਾਰ ਇਤਿਹਾਸ ਵਿੱਚ ਕਿਸੇ ਵੀ ਹੋਰ ਸਮੇਂ ਨਾਲੋਂ ਪਿਛਲੇ ਸਾਲ ਟਰੱਕ ਆਪਰੇਟ ਕਰਨਾ ਸੱਭ ਤੋਂ ਮਹਿੰਗਾ ਸੌਦਾ ਸੀ। ਜਿ਼ਕਰਯੋਗ ਹੈ ਕਿ ਏਟੀਆਰਆਈ...
ਦੋਵਾਂ ਵਿੱਚ ਸੱਭ ਤੋਂ ਵੱਡਾ ਫਰਕ ਇਹ ਹੈ ਕਿ ਬੈਟਰੀ ਐਨਰਜੀ ਸਟੋਰ ਕਰਦੀ ਹੈ ਜਦਕਿ ਫਿਊਲ ਸੈੱਲ ਉਪਲਬਧ ਫਿਊਲ ਨੂੰ ਬਦਲ ਕੇ ਐਨਰਜੀ ਪੈਦਾ ਕਰਦਾ ਹੈ। ਫਿਊਲ ਸੈੱਲ ਜਿਹੜੀ ਇਲੈਕਟ੍ਰਿਸਿਟੀ ਪੈਦਾ ਕਰ ਰਿਹਾ ਹੁੰਦਾ ਹੈ ਉਸ ਨੂੰ ਸਿਸਟਮ ਕੰਪੋਨੈਂਟ...
ਓਵਰਡਰਾਈਵ ਵੱਲੋਂ ਕੀਤੀ ਗਈ ਰਿਪੋਰਟ ਅਨੁਸਾਰ 1992 ਤੋਂ ਬਾਅਦ ਬਣੇ ਟਰੱਕਾਂ ਉੱਤੇ ਲਾਜ਼ਮੀ ਤੌਰ ਉੱਤੇ ਸਪੀਡ ਲਿਮਿਟਰ ਲਾਉਣ ਲਈ ਪਿੱਛੇ ਜਿਹੇ 2019 ਵਿੱਚ ਪੇਸ਼ ਕੀਤੇ ਗਏ ਬਿੱਲ ਨੂੰ ਯੂਐਸ ਦੇ ਹਾਊਸ ਆਫ ਰਿਪ੍ਰਜੈ਼ਂਟੇਟਿਵਸ ਵਿੱਚ ਮੁੜ ਪੇਸ਼ ਕੀਤਾ ਗਿਆ ਹੈ। ਰਿਪ੍ਰਜੈ਼ਂਟੇਟਿਵ...
ਬਹੁਤੇ ਪ੍ਰੋਵਿੰਸਾਂ ਵਿੱਚ ਪਹਿਲੀ ਜਨਵਰੀ, 2023 ਤੋਂ ਹੀ ਫੈਡਰਲ ਈਐਲਡੀ ਸਬੰਧੀ ਨਿਯਮਾਂ ਨੂੰ ਲਾਗੂ ਕੀਤੇ ਜਾਣ ਦਾ ਕੰਮ ਜੰਗੀ ਪੱਧਰ ਉੱਤੇ ਜਾਰੀ ਹੈ। ਹੇਠਾਂ ਦਿੱਤੀ ਗਈ ਜਾਣਕਾਰੀ ਤੇ ਈਐਲਡੀ ਚਾਰਟ- 23MAR06-ProvELD Enforcement Chart_public ਕੈਨੇਡੀਅਨ ਟਰੱਕਿੰਗ ਅਲਾਇੰਸ ਨੂੰ ਇਸ ਦੇ ਪ੍ਰੋਵਿੰਸ਼ੀਅਲ...
