ਅਮਰੀਕਾ ਨੇ ਕੈਨੇਡੀਅਨ ਵਸਤਾਂ ਉੱਤੇ ਟੈਕਸ ਦਾ ਫੈਸਲਾ ਵਾਪਿਸ ਲਿਆ

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਸੰਸਥਾ ਨੇ ਬੀਤੇ ਦਿਨੀਂ ਨਵੇਂ ਵਪਾਰ ਸਮਝੌਤੇ ਵਿੱਚ ਕੈਨੇਡੀਅਨ ਸਟੀਲ ਅਤੇ ਐਲੂਮਿਨੀਅਮ ਉੱਤੇ ਤਜ਼ਵੀਜ਼ਸ਼ੁਦਾ ਟੈਕਸਾਂ ਨੂੰ ਹਟਾ ਲਿਆ ਗਿਆ ਜਿਸ ਬਾਰੇ ਉਕਤ ਸਮਝੌਤੇ ਦੀਆਂ ਭਾਗੀਦਾਰ ਧਿਰਾਂ ਵੱਲੋਂ ਲੰਬੇ ਸਮੇਂ ਤੋਂ ਆਵਾਜ਼ ਉਠਾਈ ਜਾ ਰਹੀ ਸੀ। ਯਾਦ ਰਹੇ ਕਿ ਕੈਨੇਡਾ ਤੇ ਅਮਰੀਕਾ ਦੌਰਾਨ 25 ਸਾਲਾਂ ਤੋਂ ਚੱਲ ਰਹੇ ਵਪਾਰ ਸਮਝੌਤੇ ਉੱਤੇ ਨਵੇਂ ਸਿਰੇ ਤੋਂ ਗੱਲਬਾਤ ਚੱਲ ਰਹੀ ਸੀ ਜਿਸ ਵਿੱਚ ਟਰੰਪ ਸਰਕਾਰ ਵੱਲੋਂ ਰਾਜਨੀਤਕ ਹੱਥਕੰਢਿਆਂ ਤਹਿਤ ਨਵੀਆਂ ਅੜਚਣਾਂ ਡਾਹੀਆਂ ਜਾ ਰਹੀਆਂ ਸਨ। ਇਥੋਂ ਤੱਕ ਕਿ ਕੈਨੇਡੀਅਨ ਪ੍ਰਧਾਨ ਮੰਤਰੀ ਟਰੂਡੋ ਵੱਲੋਂ ਟਰੰਪ ਨੂੰ ਕਿਊਬੈੱਕ ਵਿੱਚ ਹੋਏ ਜੀ7 ਸੰਮੇਲਨ ਵਿੱਚ ਪਾਵਰਲੈੱਸ ਤੇ ਸ਼ੋਸਣਕਾਰੀ ਤੱਕ ਕਹਿ ਦਿੱਤਾ ਸੀ। ਦੂਜੇ ਪਾਸੇ ਕੈਨੇਡਾ ਵੱਲੋਂ ਵਸਤਾਂ ਉੱਤੇ ਨਵੀਆਂ ਡਿਊਟੀਜ਼ ਲਗਾਉਣ ਨਾਲ ਕੈਨੇਡਾ-ਅਮਰੀਕਾ ਸੰਬੰਧਾਂ ਵਿੱਚ ਖੱਟਾਸ ਪੈਦਾ ਹੋ ਗਈ ਸੀ ਜਿੰਨਾਂ ਨੂੰ ਹੁਣ ਹਟਾ ਲਿਆ ਗਿਆ ਹੈ। ਕੈਨੇਡਾ ਦੀ ਸਟੀਲ ਫੈਬਰੀਕੇਟਿੰਗ ਰਾਜਧਾਨੀ ਹੈਮਿਲਟਨ ਦੇ ਸਟੇਲਕੋ ਪਲਾਂਟ ਦੇ ਦੌਰੇ ਮੌਕੇ ਜਸਟਿਨ ਟਰੂਡੋ ਨੇ ਇਸ ਨੂੰ ਕੈਨੇਡੀਅਨਾਂ ਲਈ ਚੰਗਾ ਫੈਸਲਾ ਕਰਾਰ ਦਿੰਦਿਆਂ ਕਿਹਾ ਕਿ ਘੱਟੋ ਘੱਟ ਇਸ ਖ਼ੇਤਰ ਦੇ ਪਰਿਵਾਰ ਇਹ ਜਰੂਰ ਸਮਝਣ ਲੱਗ ਜਾਣਗੇ ਕਿ ਉਹਨਾਂ ਦੇ ਰੁਜ਼ਗਾਰ ਸੁਰੱਖਿਅਤ ਹਨ। ਟਰੂਡੋ ਵੱਲੋਂ ਚੀਨ ਦਾ ਨਾਮ ਲੈ ਕੇ ਕਿਹਾ ਕਿ ਉਹ ਉਤਰੀ ਅਮਰੀਕਾ ਵਿੱਚ ਲਿਆਂਦੇ ਜਾ ਰਹੇ ਸਟੀਲ ਦੇ ਜ਼ਖੀਰੇ ਬਾਰੇ ਸੂਝ ਬੂਝ ਦੀਆਂ ਸ਼ਰਤਾਂ ਤਹਿਤ ਵਿਚਾਰ ਕਰਨਗੇ। ਉਹਨੇ ਕਿਹਾ ਕਿ ਕੈਨੇਡਾ ਦੇ ਚੀਨ ਨਾਲ ਰਾਜਨੀਤਕ ਸੰਬੰਧ ਹੰਗਾਮੀ ਸੂਰਤ ਵਿੱਚ ਹਨ ਜਿਸ ਨੇ ਦੋ ਕੈਨੇਡੀਅਨ ਵਿਅਕਤੀਆਂ ਨੂੰ ਨੈਸ਼ਨਲ-ਸੁਰੱਖਿਆ ਦੇ ਅਧਾਰ ‘ਤੇ ਕੈਦੀ ਬਣਾਇਆ ਅਤੇ ਤੀਸਰੇ ਨੂੰ ਮੈਡੀਕੇਸ਼ਨ ਲਿਜਾਣ ਲਈ ਸਜ਼ਾ ਦਿੱਤੀ ਸੀ। ਅਜਿਹੇ ਸਮੇਂ ਜਦ ਲਿਬਰਲਾਂ ਦੇ ਵੱਡੇ ਵੋਟ ਬੈਂਕ ਉਨੈਰੀਓ ਸੂਬੇ ਵਿੱਚ ਪ੍ਰੀਮੀਅਰ ਡਗ ਫੋਰਡ ਵੱਲੋਂ ਉਹਨਾਂ ਵਿਰੁੱਧ ਬਿਊਰੋਕਰੇਟਿਕ ਕਾਰਬਨ ਚਾਰਜ ਨੂੰ ਲੈ ਕੇ ਰਗੜੇ ਲਾ ਰਹੇ ਹਨ ਤਾਂ ਉਕਤ ਖ਼ਬਰ ਲਿਬਰਲਾਂ ਨੂੰ ਰਾਹਤ ਦੇ ਸਕਦੀ ਹੈ ਜਿਸ ਨਾਲ ਪ੍ਰਧਾਨ ਮੰਤਰੀ ਵੀ ਕਾਫੀ ਖੁਸ਼ ਨਜ਼ਰ ਆ ਰਹੇ ਹਨ। ਇਹ ਉਹਨਾਂ ਲਈ ਇੱਕ ਜਿੱਤ ਕਹੀ ਜਾ ਸਕਦੀ ਹੈ ਕਿਉਂਕਿ ਉਹ ਟਰੰਪ ਦੀ ਇਹਨਾਂ ਟੈਕਸਾਂ ਲਈ ਵੱਡੇ ਪੱਧਰ ਤੇ ਆਲੋਚਨਾ ਕਰ ਰਹੇ ਸਨ। ਟਰੂਡੋ ਨੇ ਕਿਹਾ ਕਿ ਅਜਿਹੀਆਂ ਡਿਊਟੀਜ਼ ਕੌਮੀ ਸੁਰੱਖਿਆ ਦੇ ਹਿੱਤ ਵਿੱਚ ਨਹੀਂ ਸਨ ਅਤੇ ਅਸੀਂ ਆਪਣੇ ਕਾਮਿਆਂ ਸਮੇਤ ਮਜ਼ਬੂਤੀ ਨਾਲ ਡੱਟੇ ਰਹੇ ਹਾਂ। ਉਹਨਾਂ ਕਿਹਾ ਕਿ ਇਹਨਾਂ ਨਾਲ ਕੈਨੇਡੀਅਨ ਖੱਪਤਕਾਰ, ਕੈਨੇਡੀਅਨ ਕਾਮੇ, ਅਤੇ ਅਮਰੀਕਨ ਸਪੈਸ਼ਲਿਸਟਾਂ ਸਮੇਤ ਅਮਰੀਕਨ ਖ਼੍ਰੀਦਦਾਰ ਨੂੰ ਵੀ ਨੁਕਸਾਨ ਹੋਣਾ ਸੀ। ਉਹਨਾਂ ਕਿਹਾ ਕਿ ਅਸੀਂ ਅਮਰੀਕਾ ਨਾਲ ਇਸ ਗੱਲ ਨੂੰ ਯਕੀਨੀ ਬਣਾਇਆ ਹੈ ਕਿ ਸਾਡੇ ਸਟੀਲ ਉਦਯੋਗ ਨੂੰ ਕੌਮਾਂਤਰੀ ਪੱਧਰ ਤੇ ਕਿਸੇ ਕਿਸਮ ਦਾ ਨੁਕਸਾਨ ਨਾ ਹੋਵੇ। ਕੌਮਾਂਤਰੀ ਮਾਮਲਿਆਂ ਬਾਰੇ ਕੈਨੇਡਾ ਦਾ ਕਹਿਣਾ ਸੀ ਕਿ ਦੋ ਦਿਨਾਂ ਦੇ ਅੰਦਰ ਅੰਦਰ ਅਮਰੀਕਾ ਵੱਲੋਂ ਟੈਕਸ ਅਤੇ ਕੌਮਾਂਤਰੀ ਵਪਾਰ ਸੰਸਥਾ ਵੱਲੋਂ ਅਮਰੀਕਾ ਵਿਰੁੱਧ ਕੇਸ ਵਾਪਿਸ ਲੈ ਲਏ ਜਾਣਗੇ। ਅਮਰੀਕਾ-ਮੈਕਸੀਕੋ-ਕੈਨੇਡਾ ਐਗਰੀਮੈਂਟ ਸੰਬੰਧੀ ਮਈ ਮਹੀਨੇ ਦੀ 30 ਤਰੀਕ ਨੂੰ ਯੂ ਐਸ ਦੇ ਵੀ ਪੀ ਮਾਈਕ ਨੇ ਅੋਟਾਵਾ ਵਿੱਚ ਜਸਟਿਨ ਟਰੂਡੋ ਨਾਲ ਮਿਲਣ ਦਾ ਪ੍ਰਬੰਧ ਕੀਤਾ ਗਿਆ ਸੀ। ਪੈਂਸ ਨੇ ਟਵੀਟ ਕਰ ਕੇ ਕਿਹਾ ਹੈ ਕਿ ਇਹ ਤਿੰਨਾਂ ਦੇਸ਼ਾਂ ਦੀ ਜਿੱਤ ਹੋਈ ਹੈ। ਪੱਤਰਕਾਰਾਂ ਨਾਲ ਮਿਲਣ ਤੋਂ ਪਹਿਲਾਂ ਜਸਟਿਨ ਟਰੂਡੋ ਨੇ ਸਟੇਲਕੋ ਦਫ਼ਤਰ ਵਿੱਚ ਪਹੁੰਚ ਕੇ ਸਭ ਤੋਂ ਪਹਿਲਾਂ ਇਹ ਖ਼ਬਰ ਕਾਮਿਆਂ ਨਾਲ ਸਾਂਝੀ ਕੀਤੀ ਜਿਸ ਨਾਲ ਫਰੀਲੈਂਡ ਤੇ ਵਿੱਤ ਮੰਤਰੀ ਬਿੱਲ ਮੋਰਨਿਊ ਸਮੇਤ ਕੁਝ ਬਿਊਰੋ ਪਰੀਸਟ ਵੀ ਹਾਜ਼ਰ ਸਨ। ਇਸੇ ਦੌਰਾਨ ਅਮਰੀਕਾ ਵੱਲੋਂ ਇਹ ਕਿਹਾ ਗਿਆ ਹੈ ਕਿ ਆਪਸੀ ਸੂਝ ਬੂਝ ਅਧੀਨ ਉਸ ਵੱਲੋਂ ਕੈਨੇਡੀਅਨ ਸਟੀਲ ਤੇ ਅਲੂਮੀਨੀਅਮ ਦੀ ਦਰਾਮਦ ਤੋਂ ਡਿਊਟੀ ਨੂੰ ਹਟਾ ਲਿਆ ਗਿਆ ਹੈ ਤਾਂ ਜੋ ਚੀਨੀ ਵਸਤਾਂ ਨੂੰ ਦੂਰ ਰੱਕਿਆ ਜਾ ਸਕੇ। ਪਿਛਲੇ ਸਾਲ ਮਈ ਵਿੱਚ ਕਮਰਸ ਮੰਤਰੀ ਵਿਲਬਰ ਰੋਸ ਨੇ ਕਿਹਾ ਸੀ ਆਪਣੇ ਨੈਫਟਾ ਸਮਝੌਤੇ ਦੇ ਭਾਗੀਦਾਰਾਂ ਰਾਹੀਂ ਚੀਨੀ ਸਟੀਲ ਦੇ ਅਮਰੀਕਾ ਵਿੱਚ ਲਿਆਉਣ ਕਰਕੇ ਇਹ ਡਿਊਟੀਆ ਲਗਾਉਣੀਆ ਬਹੁਤ ਜਰੂਰੀ ਸਨ। ਕੈਨੇਡਾ ਵੱਲੋਂ ਡਾਲਰ-ਫਾਰ-ਡਾਲਰ ਅਨੁਸਾਰ 16 ਬਿਲੀਅਨ ਡਾਲਰ ਦੇ ਅਮਰੀਕੀ ਦਰਾਮਦ ਤੇ ਆਪਣੀ ਪ੍ਰੀਕਿਰਿਆ ਦਿੱਤੀ ਸੀ। ਕਮਰਸ ਡੀਪਾਰਟਮੈਂਟ ਨੇ ਕਿਹਾ ਕਿ ਇਹ ਖ਼ਬਰ ਅਮਰੀਕੀ ਰੈਂਚਰਜ਼ ਲਈ ਖ਼ੁਸ਼ੀ ਦਾ ਬਾਇਸ ਹੋ ਸਕਦੀ ਹੈ ਜਿਹੜੇ ਕੈਨੇਡੀਅਨ ਵਸਤਾਂ ਤੇ ਲਾਈ ਜਾਣ ਵਾਲੀ ਲੈਵੀਜ਼ ਨਾਲ ਪ੍ਰਭਾਵਿਤ ਹੋਏ ਸਨ। ਟਰੰਪ ਦਾ ਕਹਿਣਾ ਸੀ ਕਿ ਸਾਡੇ ਕੈਨੇਡਾ ਨਾਲ ਬੜੇ ਨੇੜ ਦੇ ਸੰਬੰਧ ਹਨ ਭਾਵੇਂ ਕਿ ਕੈਨੇਡਾ ਵੱਲੋਂ ਅਮਰੀਕਾ ਤੋਂ ਵਧੇਰੇ ਲੈਵੀ ਚਾਰਜ ਕੀਤੀ ਜਾਂਦੀ ਰਹੀ ਹੈ। ਉਹਨਾਂ ਕਿਹਾ ਕਿ ਕਾਂਗਰਸ ਹੁਣ ਸਮਝੌਤੇ ਨੂੰ ਹਰੀ ਝੰਡੀ ਵਿਖਾ ਦੇਵੇਗੀ ਕਿਉਂਕਿ ਇਸ ਵਿੱਚ ਤਜਵੀਜ਼ ਕੀਤੇ ਟੈਕਸ ਹਟਾ ਲਏ ਗਏ ਹਨ। ਓਬਾਮਾ ਸਰਕਾਰ ਵੇਲੇ ਕੈਨੇਡਾ ਵਾਸਤੇ ਰਹੇ ਅਮਰੀਕੀ ਮੰਤਰੀ ਹੇਮੈਨ ਦਾ ਕਹਿਣਾ ਸੀ ਕਿ ਅੱਗ ਲਾ ਕੇ ਪਾਸੇ ਹੋਣ ਵਾਲੇ ਲੋਕਾਂ ਨੂੰ ਹੁਣ ਪਤਾ ਲੱਗ ਗਿਆ ਹੋਵੇਗਾ ਕਿ ਟਰੰਪ ਕੈਨੇਡਾ ਬਾਰੇ ਕਿੰਨਾ ਸੁਹਿਰਦ ਹੈ। ਟਰੂਡੋ ਦਾ ਕਹਿਣਾ ਸੀ ਕਿ ਕੈਨੇਡੀਅਨ ਐਸੋਸੀਏਸ਼ਨਜ਼ ਦਾ ਇਸ ਪਾਸੇ ਕੀਤੇ ਕੰਮ ਵਿੱਚ ਵੱਡਾ ਹੱਥ ਹੈ ਜਿਸ ਨਾਲ ਲੈਵੀਜ ਹਟਾਉਣ ਦੀ ਪ੍ਰਕਿਰਿਆ ਸੰਭਵ ਹੋ ਸਕੀ। ਕੈਨੇਡੀਅਨ ਲੇਬਰ ਕਾਂਗਰਸ ਦੇ ਲੀਡਰ ਹਸਨ ਯੂਸਫ ਨੇ ਟਵਿੱਟਰ ਕਰਕੇ ਕਿਹਾ ਕਿ ਕੈਨੇਡੀਅਨ ਹੁਣ ਕੰਮ ਤੇ ਪਰਤ ਸਕਦੇ ਹਨ। ਯਾਦ ਰਹੇ ਕਿ ਟਰੂਡੋ ਸਰਕਾਰ ਨੇ ਯੂ ਐਸ-ਮੈਕਸੀਕੋ-ਕੈਨੇਡਾ ਐਗਰੀਮੈਂਟ (ਯੂ ਐਸ ਐਮ ਸੀ ਏ) ਵਿੱਚ ਲਗਾਈਆਂ ਜਾਣ ਵਾਲੀਆਂ ਡਿਊਟੀਆਂ ਨੂੰ ਗੈਰ-ਕਾਨੂੰਨੀ, ਕਰੇਜ਼ੀ, ਅਤੇ ਨਾਦਰਸ਼ਾਹੀ ਫੁਰਮਾਨ ਕਰਾਰ ਦੇ ਕੇ ਕਿਹਾ ਸੀ ਕਿ ਕੈਨੇਡਾ ਤੇ ਮੈਕਸੀਕੋ ਨਵੇਂ ਸਮਝੌਤੇ ਵਿੱਚ ਇਸ ਦੇ ਵਿਰੁੱਧ ਆਪਣੀ ਲੜਾਈ ਜਾਰੀ ਰੱਖਣਗੇ। ਇਸ ਦੇ ਨਾਲ ਹੀ ਅੋਟਾਵਾ ਨੇ ਸਸਤੀਆਂ ਚੀਨੀ ਧਾਤਾਂ ਕੈਨੇਡਾ ਵਿੱਚ ਲਿਆਉਣ ਦੇ ਇੰਤਜ਼ਾਮ ਕਰਕੇ ਵਾਸ਼ਿੰਗਟਨ ਨੂੰ ਦੱਸ ਦਿੱਤਾ ਸੀ ਕਿ ਉਹਨੇ ਆਪਣਾ ਹੱਲ ਲੱਭ ਲਿਆ ਹੈ ਅਤੇ ਉਹ ਅਮਰੀਕਾ ਨਾਲ ਇਸ ਮੁੱਦੇ ਤੇ ਅੜਿਆ ਹੋਇਆ ਸੀ। ਜਿਸ ਹਿਸਾਬ ਨਾਲ ਇੰਤਜ਼ਾਮ ਹੋਏ ਸਨ ਉਸ ਨਾਲ ਸਟੀਲ ਜਾਂ ਐਲੁਮਿਨੀਅਮ ਦਾ ਹੜ ਆ ਜਾਣਾ ਸੀ। ਇਹੀ ਕਾਰਨ ਸੀ ਕਿ ਸਟੀਲ ਤੇ 20 ਫੀਸਦੀ ਅਤੇ ਅਲੂਮਿਨੀਅਮ ਤੇ 10 ਫੀਸਦੀ ਵਾਲੇ ਮਸਲੇ ਦਾ ਹੱਲ ਹੋ ਸਕਿਆ। ਟੋਰਾਂਟੋ ਐਕਸਚੇਂਜ ਦੇ ਲੀਗਲ ਐਡਵਾਈਜ਼ਰ ਹਰਮੈਨ ਨੇ ਕਿਹਾ ਕਿ ਅਜੇ ਇਹ ਨਹੀਂ ਕਿਹਾ ਜਾ ਸਕਦਾ ਕਿ ਅਮਰੀਕਾ ਦੇ ਡੈਮੋਕਰੇਟਸ ਨਾਰਥ ਅਮਰੀਕਨ ਐਕਸਚੇਂਜ ਸੈਟਲਮੈਂਟ ਨੂੰ ਮਨਜੂਰ ਕਰਦੇ ਹਨ ਕਿ ਨਹੀਂ। ਕੁਝ ਵੀ ਹੋਵੇ ਵਾਈਟ ਹਾਊਸ ਵਿੱਚ ਕੁਝ ਤਰਕ ਵਾਲੇ ਲੋਕਾਂ ਦੀ ਆਵਾਜ਼ ਦੀ ਆਖ਼ਿਰ ਜਿੱਤ ਹੋਈ ਹੈ।